អាវុធហត្ថស្រុកអូរយ៉ាដាវ ប្រទះឃើញម៉ូតូកែច្នៃដឹកឃើញចំនួន០២គ្រឿង និងឈើចំនួន០៨ដុំ

ខេត្តរតនគិរី៖ កម្លាំងមូលដ្ឋាន កងរាជអាវុធហត្ថស្រុកអូរយ៉ាដាវ ដឹកនាំដោយលោក វរសេនីយ៍ត្រី សុខ មីន មេបញ្ជាការស្រុក បានធ្វើការចុះល្បាត បានប្រទះឃើញម៉ូតូកែច្នៃដឹកឃើញចំនួន០២គ្រឿង នៅចំណុចផ្លូវទៅក្រុមហ៊ុន៧២ ភូមិតេន ឃុំយ៉ាទុង ស្រុកអូរយ៉ាដាវ ខេត្តរតនគិរី ។

ប្រភពពីកម្លាំងកងរាជអាវុធហត្ថស្រុកអូរយ៉ាដាវ បានអោយដឹងថា ក្នុងពេលចុះល្បាត នៅវេលាម៉ោង ១៣:១៥នាទី ថ្ងៃសុក្រ ទី៣១ ខែមករា ឆ្នាំ២០២០ បានប្រទះឃើញម៉ូតូកែច្នៃ ចំនួន០២គ្រឿង ដឹកជញ្ជូនផលអនុផលព្រៃឈើគ្មានលិខិតអនុញ្ញាតច្បាប់ រីឯជនសង្ស័យជាម្ចាស់ម៉ូតូបានរត់គេចខ្លួន និងដកហូតឈើចំនួន០៨ដុំ។

បច្ចុប្បន្នវត្ថុតាង បានយកទៅរក្សាទុកជាបណ្ដោះអាសន្ននៅមូលដ្ឋាន កងរាជអាវុធហត្ថស្រុកអូរយ៉ាដាវ ៕