ខេត្តព្រៃវែង៖ ថ្ងៃអង្គារ ០៧កើត ខែពិសាខ ឆ្នាំជូត ឯកស័ក ព.ស.២៥៦៣ ត្រូវនឹងថ្ងៃទី២៨ ខែមេសា ឆ្នាំ២០២០ ឯកឧត្តម ជា សុមេធី អភិបាលខេត្ត ថ្លែងអំណរគុណយ៉ាងជ្រាលជ្រៅចំពោះ លោក អុឹង សែម អគ្គនាយកក្រុមហ៊ុន SAIWEI ENERGY CAMBODIA LTD. ដែលបានឧបត្ថម្ភថវិកាចំនួន ១០,០០០ ដុល្លាអាមេរិក និងម៉ាស់ចំនួន ២០,០០០ម៉ាស់ជូនដល់រដ្ឋបាលខេត្តព្រៃវែង សម្រាប់ទុកប្រើប្រាស់ក្នុងប្រតិបត្តិការប្រយុទ្ធនឹងជំងឺវីរុសកូវីដ-១៩ ដែលកំពុងតែគម្រាមកំហែងដល់សុខភាព និងអាយុជីវិតប្រជាជនកម្ពុជា។
ឯកឧត្តមអភិបាលខេត្តមានប្រសាសន៍ថា នេះជាកាយវិការ និងទឹកចិត្តដ៏ស្មោះសរបស់លោកអគ្គនាយកក្រុមហ៊ុន ដែលបានឧបត្ថម្ភថវិកា និងម៉ាស់ទាំងអស់នេះ សម្រាប់រដ្ឋបាលខេត្តក្នុងការប្រតិបត្តិការងារនេះ។
ឯកឧត្តមអភិបាលខេត្ត បានជូនពរដល់លោក អុឹង សែម អគ្គនាយកក្រុមហ៊ុន SAIWEI ENERGY CAMBODIA LTD. និងសហការី ជួបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ហើយនឹងជៀសផុតអំពីជម្ងឺដ៏កាចសាហាវដែលកំពុងតែគម្រាមកំហែងទូទាំងពិភពលោកនេះ។
No comments:
Post a Comment