រដ្ឋបាលស្រុកជលគិរី បើកកិច្ចប្រជុំផ្សព្វផ្សាយ ស្ដីពីលទ្ធផលអត្តសញ្ញាណកម្មគ្រួសារក្រីក្រ តាមជុំប្រមូលទិន្នន័យឆ្នាំ២០១៩ និងតាមការស្នើសុំក្នុងកំឡុងពេលកូវីដ-១៩

ស្រុកជលគិរី៖ នាព្រឹកថ្ងៃសុក្រ ១៤រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៩ ខែមិថុនា ឆ្នាំ២០២០នេះ លោក ធូ ផល្លី អភិបាលរងស្រុក ដឹកនាំកិច្ចប្រជុំផ្សព្វផ្សាយ ស្ដីពីលទ្ធផលអត្តសញ្ញាណកម្មគ្រួសារក្រីក្រ តាមជុំប្រមូលទិន្នន័យឆ្នាំ២០១៩ និងតាមការស្នើសុំក្នុងកំឡុងពេលកូវីដ-១៩ និងការណែនាំប្រគល់ប័ណ្ណសមធម៌សម្រាប់ផ្ដល់ជូនគ្រួសារក្រីក្រតាមភូមិ និងតម្រង់ទិសមុខងារថាប្លេត។

ក្នុងឱកាសនោះផងដែរក៏មានការចូលរួមលោកមេឃុំ ស្មៀនឃុំ និងអ្នកទទួលបន្ទុកថាប្លេតឃុំ ហើយមានការសម្របសម្រួលពីការិយាល័យផែនការ និងគាំទ្រឃុំ និងលោក លោក ស្រីអញ្ជើញមកពីមន្ទីរផែនការខេត្ត សរុប ២៣នាក់ ស្រី ០៤នាក់ ៕