ប្រធានក្រុមការងាថ្នាក់ជាតិចុះជួយស្រុកលើកដែក និងរដ្ឋបាលខេត្តកណ្តាល បានប្រគេនទៀនព្រះវស្សា និងទេយ្យវត្ថុដល់ព្រះសង្ឃ កំពុងគង់ចាំព្រះវស្សាចំនួន ១៤វត្ត ក្នុងស្រុកលើកដែក

ខេត្តកណ្តាល៖ ឯកឧត្តម ហេង រតនា ប្រធានក្រុមការងាថ្នាក់ជាតិចុះជួយស្រុកលើកដែក  និងឯកឧត្តម នូវ ប៉េងច័ន្ទតារា អភិបាលរងខេត្តកណ្ដាល តំណាងឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាល នៅព្រឹកថ្ងៃទី៨ ខែកក្កដា ឆ្នាំ២០២០​នេះ បានដឹកនាំប្រតិភូ និងអាជ្ញាធរស្រុក  មកប្រគេនទៀនព្រះវស្សា និងទេយ្យវត្ថុដល់ព្រះសង្ឃ ដែលកំពុងគង់ចាំព្រះវស្សាចំនួន ១៤វត្ត ដែលពិធីនេះត្រូវប្រារព្ធធ្វេីឡេីងនៅ ក្នុងវត្តគិរីរតនរ៉ាម(វត្តកំពង់ភ្នំ) ស្រុកលើកដែកខេត្តកណ្ដាល។

      មានប្រសាសន៍ក្នុងពិធីនេះ ឯកឧត្តម ហេង រតនា  ប្រធានក្រុមការងាថ្នាក់ជាតិចុះជួយស្រុកលើកដែក  បានលេីកឡេីងថា ពិធីបុណ្យចូលព្រះវស្សាគឺជាពិធីបុណ្យមួយដែលមានសារៈសំខាន់ក្នុងព្រះពុទ្ធសាសនា ជាពេលវេលាដ៏សំខាន់​សម្រាប់​ភិក្ខុសង្ឃ និងសាមណេបានរៀនធម៌ និងវិន័យយ៉ាងខ្ជាប់ខ្ជួនតាមពុទ្ធឱវាទ។
     
      ឯកឧត្តមបានបន្តថា ពិធីបុណ្យនេះ ប្រារព្ធធ្វើឡើងជារៀងរាល់​ឆ្នាំរយៈពេល៣ខែ ចាប់ពីថ្ងៃ១រោចខែអាសាធដល់ថ្ងៃ ១៥ កើត ខែអស្សុជ ហើយបងប្អូនដែលជាអ្នកមានជំនឿទៅលើ​ព្រះពុទ្ធសាសនា តែងតែនាំគ្នាប្រារព្ធពិធីបុណ្យដោយនាំយកជាសាដក អង្ករ ភេសជ្ជៈ និងរបស់ប្រើប្រាស់ផ្សេងៗ ទៅប្រគេនព្រះសង្ឃតាមលទ្ធភាព។ ក្រៅពីរបស់ប្រើប្រាស់ និងម្ហូបអាហារ បងប្អូនខ្មែរក៏បានជាវទានវស្សា​ទៅប្រគេន​ព្រះសង្ឈផងដែរ ព្រោះយើងមានជំនឿថាពន្លឺទៀនគឺជួយបំភ្លឺអនាគតជាតិឱ្យភ្លឺស្រស់បំព្រង និងមានសេចក្តីសុខចម្រើន​ដោយ​អំពើល្អ សេចក្តីល្អ ហើយគេត្រូវ រក្សាភ្លើងទៀនឱ្យឆេះជាប់រហូតគ្រប់ រយៈពេលបីខែ មួយវិញទៀតនេះ​ជាការជួយដល់វត្តអារាមក្នុងការមានទៀនប្រើប្រាស់ដើម្បីដុតបំភ្លឺនៅពេលយប់ផងដែរ។

       ឆ្លៀតក្នុងឱកាសនោះ ឯកឧត្ដម នូវ ប៉េងច័ន្ទតារា អភិបាលរងខេត្តក៏បានធ្វើការក្រើនរំលឹក ឱ្យប្រជាពលរដ្ឋគ្រប់រូប ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការ ពារនូវការឆ្លងរីករាលដាលនៃជំងឺកូវីដ-១៩  ដោយគោរព និងអនុវត្តឱ្យខ្ជាប់ខ្ជួន នូវគោលការណ៍  និងវិធានការនានាតាមការណែនាំរបស់ក្រសួងសុខាភិបាលផងដែរ។
     សូមបញ្ជាក់ថា​ ទៀនព្រះវស្សា និងទេយ្យវត្ថុរបស់ ឯកឧត្តម ប្រធានក្រុមការងាថ្នាក់ជាតិចុះជួយស្រុកលើកដែក និងថ្នាក់ដឹកនាំខេត្ត និងមន្ត្រីរាជការបានប្រគេនដល់ព្រះសង្ឃគង់ចាំព្រះវស្សា ទាំង ១៤វត្តនោះ ក្នុងមួយវត្តៗទទួលបាន៖ទៀនវស្សា ១គូរ
អង្ករ ១០០ គ.ក
មី ៣ កេស
ទឹកសុទ្ធ ៣ កេស
ទឹកផ្លែឈើ ៣ កេស
ទឹកត្រី ៣ យួរ
ទឹកស៊ីអ៊ីវ ៣ យួរ
ត្រីងៀត ៣ គ.ក
សាដក ២
បច្ច័យ ក្នុងមួុយវត្ត ១,០០០,០០០ រៀល
ក្នុងនោះ បច្ច័យ ឯកឧត្តមក្រុមការងារថ្នាក់ជាតិ ចុះជួយស្រុក ៥០០,០០០ ៛
ឯកឧត្តមអភិបាលខេត្ត ៤០០,០០០៛
លោកអភិបាលស្រុក ១០០,០០០៛
និង បច្ច័យប្រគេនព្រះសង្ឃ ២៨ អង្គ / ១អង្គ ៤០,០០០ ៛  សរុប ១,១២០,០០០ ៛ ៕