អាជ្ញាធរខេត្តក្រចេះ ប្រារព្ធពិធីក្រុងពាលីបញ្ចុះបឋមសិលា សាងសង់អាគារសិក្សាថ្មី នៃវិទ្យាល័យព្រះមហាក្សត្រិយានីកុសុមៈ

ខេត្តក្រចេះ៖ ព្រឹកថ្ងៃសុក្រទី២៨ ខែសីហា ឆ្នាំ២០២០ នៅវិទ្យាល័យព្រះមហាក្សត្រិយានីកុសុមៈ បានប្រារព្ធពិធី ក្រុងពាលី បញ្ចុះបឋមសិលា សាងសង់អាគារសិក្សាថ្មី កម្ពស់៣ជាន់ ស្មើ១៨បន្ទប់ ដែលជាអំណោយ ដ៏ថ្លៃថ្លារបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រោមការដឹកនាំដោយ ឯកឧត្តម ប៉ែន លីណាត អភិបាលខេត្តស្តីទី ឯកឧត្តម ស្រុី លាភ តំណាងដ៏ខ្ពង់ខ្ពស់ នាយឧត្តមសេនីយ៍ ខេង សុមេធ ប្រធានកងវិស្វកម្ម តេជោហ៊ុន សែនសៀមរាប លោកអភិបាលក្រុង និង លោក ឡាយ បូរ៉ា ប្រធានមន្ទីរអប់រំខេត្តក្រចេះ ព្រមទាំងប្រធានគណៈកម្មការគ្រប់គ្រងសាលា នាយក នាយករង លោកគ្រូ អ្នកគ្រូ និងសិស្សានុសិស្ស នៃវិទ្យាល័យព្រះមហាក្សត្រិយានីកុសុមៈ៕