អាជ្ញាធរខេត្តបន្ទាយមានជ័យ អញ្ជើញចូលរួមចុះពិនិត្យសកម្មភាពរបស់កសិកររងគ្រោះទឹកជំនន់ទឹកភ្លៀង ដែលកំពុងសាបព្រោះបង្ករ បង្កើនផលឡើងវិញ

ខេត្តបន្ទាយមានជ័យ៖ ថ្ងៃទី២១ ខែវិច្ឆិកា ឆ្នាំ២០២០ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ព្រមទាំងអាជ្ញាធរដែនដី មន្ទីរជំនាញ បានអមដំណើរ ឯកឧត្តម គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការគ្រប់គ្រងគ្រោះមហន្តរាយ អញ្ជើញចុះពិនិត្យសកម្មភាពរបស់កសិកររងគ្រោះទឹកជំនន់ សាបព្រោះបង្ករ បង្កើនផលឡើងវិញ ក្រោយពេលទទួលបានគ្រាប់ពូជស្រូវជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចគត្តិព្រឹទ្ធបណ្ឌិត ដែលបានចែកជូនប្រជាកសិករចំនួន ១០០០០ គ្រួសារ ក្នុងខេត្តបន្ទាយមានជ័យ៕