ឯកឧត្តម ងួន រតនៈ បន្តចុះរឹតបន្តឹងការលួចឆ្លងដែនខុសច្បាប់របស់ពលករ នៅក្នុងភូមិសាស្ត្រខេត្តបាត់ដំបង

ខេត្តបាត់ដំបង៖ នៅព្រឹកថ្ងៃអង្គារ ទី១៦ ខែកុម្ភៈ ឆ្នាំ២០២១ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង និងឯកឧត្តម ឧត្តមសេនីយ៍ឯក សម វណ្ណវីរៈ  ប្រធាននាយកសន្តិសុខផ្ទៃក្នុង នៃអគ្គស្នងការនគរបាលជាតិ បានដឹកនាំកិច្ចប្រជុំ ដើម្បីរឹតបន្តឹងបន្ថែម និងចាត់វិធានថ្មីៗ ដើម្បីទប់ស្កាត់ការលួចឆ្លងដែនខុសច្បាប់របស់ពលករ នៅក្នុងភូមិសាស្ត្រស្រុកកំរៀង ភ្នំព្រឹក និងស្រុកសំពៅលូនខេត្តបាត់ដំបង នៅក្នុងកិច្ចប្រជុំនោះក៏មានការអញ្ជើញមេបញ្ជាការ កម្លាំងប្រដាប់អាវុធទាំងបីប្រភេទ អាជ្ញាធរស្រុក និងអ្នកពាក់ព័ន្ធសំខាន់មួយចំនួនទៀត។