នាព្រឹកថ្ងៃទី២៣ ខែឧសភា ឆ្នាំ២០២២នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង រួមដំណើរដោយ ឯកឧត្តមអភិបាលរងខេត្ត លោកប្រធានមន្ទីរធនធានទឹក និងឧតុនិយមខេត្ត លោកប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្ត លោកប្រធានមន្ទីរសាធារការ និងដឹកជញ្ជូនខេត្ត លោកអភិបាលក្រុងស្វាយរៀង លោកប្រធានអង្គភាពរដ្ឋាកទឹកខេត្ត បានអញ្ជើញចុះពិនិត្យទីតាំងសាងសង់ស្ថានីយ៍បូបទឹកឆៅស្ថិតនៅអាងទឹកទន្លេវ៉ៃគោក្រុងស្វាយរៀង ដើម្បីពង្រីកសមត្ថភាពប្រព័ន្ធផ្គត់ផ្គង់ទឹកស្អាតក្នុងខេត្ត ។
សម្រាប់គម្រោងនេះដែរ ត្រូវបានផ្តល់ជាហិរញ្ញប្បទានឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុនប្រចាំនៅកម្ពុជា( JICA ) រួមមានសំណង់ស្ថានីយ៍បូមទឹកឆៅ និងរោងចក្រប្រព្រឹត្តិកម្មទឹកស្អាត ដែលប្រើប្រាស់ប្រភពទឹកទន្លេវ៉ៃគោ ស្ថិតក្នុងសង្កាត់ព្រៃឆ្លាក់ ក្រុងស្វាយរៀង ។
បន្ទាប់ពីចុះពិនិត្យទីតាំងខាងលើ នាព្រឹកថ្ងៃដដែលនេះ ឯកឧត្ដមអភិបាលខេត្ត រួមនិងឯកឧត្ដមអភិបាលរងខេត្ត និងមន្ត្រីពាក់ព័ន្ធ ក៏បានអញ្ជើញចុះពិនិត្យការដ្ឋានសំណង់ និងវឌ្ឍនភាពលើការរុះរើដំបូល អាគារ ដើម្បីសាងសង់បន្ទប់ធ្វើការមួយជាន់បន្ថែមទៀតនៃអគារ "ខ" សាលាខេត្តស្វាយរៀងផងដែរ ៕
No comments:
Post a Comment