មនុស្ស៤នាក់បានបាត់ខ្លួន ក្រោយលិចទូក ខណសមត្ថកិច្ច កំពុងស្វែងរក តែមិនទាន់ឃើញនៅឡើយទេ

ស្ទឹងត្រែងៈ នៅថ្ងៃទី១៥ កុម្ភៈ ឆ្នំា២០២៣នេះ លោក អ៊ុង សុភ័ក្រ្ត នាយប៉ុស្តិ៍នគរបាលសង្កាត់សាមគ្គី បានឲ្យដឹងថា  ករណីលិចទូកអ្នកភូមិមួយគ្រឿង កាលពីថ្ងៃទី១៤ កុម្ភៈ ម្សិលមិញ អាជ្ញាធរមានសមត្ថកិច្ច កំពុងស្វែងរក តែមិនទាន់ឃើញនៅឡើយទេ។

សូមបញ្ជាក់ថា ទូកមួយគ្រឿង ដឹកមនុស្សចំនួន ៨ នាក់ ទាំងក្មេង ទាំងចាស់ បានបើកឆ្លង តាមដងទន្លេមេគង្គ ពីភូមិកោះកី ឃុំកោះស្នែង ស្រុកបុរីអូរស្វាយសែនជ័យ មកភូមិខាំផាន់ សង្កាត់សាមគ្គី ក្រុងស្ទឹងត្រែង ដើម្បីប្រកបមុខរបររកស៊ី លុះពេលមកដល់ចំណុច កន្ទុយកោះហាន ទឹកហូរកួច ក៏បានធ្វើឲ្យទូកនោះ លិចបាត់មនុស្សបួននាក់ នៅក្នុងចំណោមអ្មកបាត់ខ្លួន មានកុមារ ពីរនាក់។

មនុស្សបួននាក់ ដែលបានបាត់ខ្លួននោះរួមមាន÷

ទី១ ឈ្មោះ សុត មី ភេទប្រុស អាយុ ៥៦ ឆ្នាំ។ 

ទី ២ ឈ្មោះ ម៉ី សុគ្រី ភេទស្រី អាយុ ២៥ ឆ្នាំ។ 

ទី៣ ឈ្មោះ លូយ ចន្ទ្រា ភេទប្រុស អាយុ ៨ ឆ្នាំ ។

ទី៤ ឈ្មោះ លួយ ហាត់ ភេទប្រុស អាយុ ៦ ឆ្នាំ៕