លោកឧត្តមសេនីយ៍ទោ ស សំបូរធន ប្រជុំផ្សព្វផ្សាយផែនការ ការពារសន្តិសុខនិងសង្គ្រោះបន្ទាន់

ភ្នំពេញ៖ ព្រឹកថ្ងៃសុក្រ ទី២០ ខែតុលា ឆ្នាំ២០២៣ នៅសាលប្រជុំ អគារសេនាការដ្ឋាន កងរាជអាវុធហត្ថលើផ្ទៃប្រទេស លោកឧត្តមសេនីយ៍ទោ ស សំបូរធន នាយសេនាធិការកងរាជអាវុធហត្ថលើផ្ទៃប្រទេស បានប្រជុំផ្សព្វផ្សាយផែនការ ការពារសន្តិសុខនិងសង្គ្រោះបន្ទាន់ ជូនគណៈប្រតិភូអនុរដ្ឋមន្ត្រីការពារជាតិប្រទេសវៀតណាម ទិវាបុណ្យឯករាជ្យជាតិ ៩ វិច្ឆិកា យុទ្ធដំណើរទ័ព ផែនឈរអបអរបុណ្យឯករាជ្យជាតិ ៩ វិច្ឆិកា ចល័តកម្លាំងសិក្ខាកាមវគ្គ ៤៦ ទស្សនកិច្ចតំបន់ប្រវត្តិសាស្រ្តយោធាតេជោ-អ៉ិច១៦ ផ្សព្វផ្សាយអនុក្រឹត្យកែសម្រួលឯកសណ្ឋាន ស្លាកសញ្ញា ទង់ជ័យនិងចូលរួមឈរផែនអបអរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេសកងទ័ពជើងគោក។ វត្តមានចូលរួមប្រជុំផ្សព្វផ្សាយនេះមាន លោកឧត្តមសេនីយ៍ នាយរងសេនាធិការ ស្នងការ ស្នងការរង ស្នងការដ្ឋានទាំង៧ វរសេនីយ៍ នាយ នាយរង ការិយាល័យ វរសេនីយ៍ មេបញ្ជាការ វរសេនាតូច មេបញ្ជាការ កងអន្តរាគមន៍ អង្គភាព ពាក់ព័ន្ធ ព្រមទាំងភ្ជាប់ Video Conference ទៅបញ្ជាការដ្ឋានកងរាជអាវុធហត្ថរាជធានី-ខេត្តទាំង២៥។